GAIA Klusterra, BeDIGITAL bazkidea, ETEei eta ekintzaileei euren eraldaketa digitalean laguntzeko konpromisoa aurreratzen ari da, 2025eko edizio honen esparruan hainbat jarduerarekin.

  • Klusterrarekin lotutako sei enpresek erakusketari gisa parte hartuko dute BeDIGITAL 2025en GAIA taldearen standean, euren digitalizazio irtenbideak eta zerbitzuak bertaratutako erakundeei erakutsiz.
  • Ekitaldiaren lehen egunerako, 3.erako, mahai-inguru bat antolatu da BeDigitalen, GAIAko standaren ondoan, “Berrikuntza Tailerrak” espazioan. CYBASQUE arduratuko da hainbat aditurekin zibersegurtasunaren alorreko Europako araudiak eta ziurtagiriak eztabaidatzeaz.
  • Espazio horretan bertan, eta Indeus Plataformaren esparruan, Sprik GAIA barne hainbat erakunderekin elkarlanean abiarazitako euskal industria plataformaren baitan, “Industriaren Eraldaketa Digital SEGURUA” jardunaldia ospatuko da hilaren 4an, eta bertan hainbat enpresa zibersegurtasun industrialaren alorrean izandako arrakasta-kasuak erakutsiko dituzte, eta teknologia disruptibo batzuek arlo horretan nola eragingo duten eztabaidatuko dute.
  • Hilaren 5ean, BAIDATAk Industriako Datu Espazioekin lotutako adituekin saioa egingo du.
  • Azkenik, GAIA Podcast by Media Attack espazioa eskuragarri egongo da ekitaldiaren lehen egunean GAIAko standean, parte hartzen duten enpresei elkarrizketak eta digitalizazioan adituak diren hainbat hizlari entzutetsuekin solasaldiekin.

 

Espero zaitugu 1. pabiloian, D14 standean!